रौतहटमा दम्पतीमाथि आक्रमण प्रकरण : थप दुइजना पक्राउ, यसकारण भएको थियो आक्रमण
टुडेपाटी
जनकपुरधाम, असोज ११ गते ।
रौतहटमा तिवारी दम्पतीमाथि आक्रमण गरेको आरोपमा थप दुइ जना पक्राउ परेका छन् ।
शुक्रबार राति धारिलो हतियार प्रयोग गरि अन्दाधुन्द आक्रमण गर्दा देवाही गोनाही–५ टिकुलियाका महेश तिवारी दम्पतीमध्ये श्रीमतीको मृत्यु भएको र श्रीमान गम्भीर घाइते भएको घटनामा स्थानीय रामएकवाल मुखिया बिन र उनका एकजना आफन्त पक्राउ परेका हुन् ।
यसअघि घटनालगत्तै प्रहरीले हत्यामा संलग्न रहेको आरोपमा बली मुखिया बिनलाई पक्राउ गरेको थियोे ।
जिल्ला प्रहरी कार्यालय रौतहट प्रमुख एसपी सिद्धि विक्रम शाहले सांघातिक आक्रमण गर्नेहरु अन्यको खोजी भइरहेको बताए ।
केही महिनाअघि गाउँमा बाटोको विषयलाई लिएर स्थानीय स्तरमा विवाद भएको र सोही विवाद अहिलेको अवस्थासम्म आइपुगेको प्रहरी अनुसन्धानबाट खुलेको छ ।