भारतका पूर्वकेन्द्रीय मन्त्री जसवन्त सिंहको निधन

टुडेपाटी-

जनकपुरधाम, असोज ११ गते ।

भारतका पूर्व केन्द्रीय मन्त्री जसवन्त सिंहको ८२ वर्षको उमेरमा निधन भएको छ ।

सिंहको आइतबार विहान ८२ वर्षको उमेरमा निधन भएको भारतीय सचारमाध्यमहरुले जनाएका छन् । विगत ६ वर्षदेखि सिंह विरामी रहँदै आएको जनाइएको छ ।

भारतीय प्रधानमन्त्री नरेन्द्र मोदीले सिंहको निधनमा दुःख व्यक्त गर्दै श्रद्धाञ्जली दिएका छन् ।

सिंह भारतको सत्तारूढ दल भारतीय जनता पार्टीका संस्थापक सदस्यमध्येका एक थिए ।

पाँचपटक राज्यसभा र चारपटक लोक सभा सदस्यमा निर्वाचित भएका सिंहले भारतको अर्थ, विदेश र रक्षा मन्त्रालयको जिम्मेवारी सम्हालेका थिए ।