महोत्तरीमा पिकप र मोटरसाईकल ठोक्किदा दुईजनाको ज्यान गयो

टुडेपाटी-
महोत्तरी, असोज ४ गते ।

महोत्तरीमा पिकप र मोटरसाइकल एकआपसमा ठोक्किदा दुईजनाको ज्यान गएको छ । बर्दिबास नगरपालिका को बर्दिबास –६ किसानगरमा विपरीत दिशाबाट आइरहेको पिकप र मोटरसाइकल शनिबार साँझ ठोक्किएर दुर्घटना भएको हो ।

मृत्यु हुनेमा स्थानीय देव बहादुर खपाङ्गी र प्रमोद रामको मृत्यु भएको हो । मोटरसाइकमा सवार तीन जना मध्ये चालक प्रमोद र अर्का देवबहादुरको मृत्यु भएको इलाका प्रहरी कार्यालय बर्दिबासका डीएसपी राजन चापागाईले जानकारी दिए ।

देवबहादुर नेपाली सेनामा बन्दोबस्ती सिपाही पदमा कार्यरत थिए । दुर्घटनमा परेर गम्भीर घाइते भएपछि उपचारको लागि धनुषास्थित लालगढ मोडेल हस्पिटलमा भर्ना गरिएको थियो ।

यहाँ प्राथमिक उपचार गरी थप उपचारको लागि प्रमोदलाई धरान र देवबहादुरलाई काठमाण्डौं पठाइएको थियो । प्रमोदको धरानमा र देवबहादुरको बाटोमै मृत्यु भएको डीएसपी चापागाईले बताए ।