महोत्तरीमा अवैध खोला उत्खनन् गर्ने जेसीबी सहित एकजना पक्राउ

टुडेपाटी-
महोत्तरी, भदौ १५ गते ।

महोत्तरीमा अवैध खोला उत्खनन् गर्ने जेसीबी सहित एकजनालाई प्रहरीले पक्राउ गरेको छ । पक्राउ पर्नेमा जेसिबी चालक गौशाला नगरपालिका–१२ का २० वर्षिय सोनिम नदाफ रहेका छन् ।

गौशाला नगरपालिका–१२ स्थित बाँके खोलामा अवैध रुपमा गिट्टी, बालुवा उत्खनन् गरिरहेको अवस्थामा जेसिबी र चालकलाई पक्राउ गरेको महोत्तरीका प्रहरी नायव उपरीक्षक प्रकाश विष्टले जानकारी दिए ।

अवैध उत्खनन् भईरहेको सूचना पाउनासाथ प्रहरी चौकी कान्तिबजारबाट खटिएको प्रहरीले अनटेस्ट जेसिबी सहित नदाफलाई पक्राउ गरिएको डीएसपी विष्टले बताए ।

पक्राउ परेका जेसिबी र नदाफलाई आवश्यक कारवाहीको लागि गौशाला नगरपालिकाको कार्यालयमा बुझाउनले तयारी भईरहेको इलाका प्रहरी कार्यालय गौशालाले जानकारी दिएको छ ।