महोत्तरीमा बोक्सी आरोपमा महिलालाई कुटपिट गर्ने फेरि पक्राउ

बाबुप्रेम यदुवंशी

महोत्तरी, भदौ ६ गते ।

महोत्तरीको सम्सी गाउँपालिकामा बोक्सीको आरोप लगाउँदै महिलालाई निर्घात कुटपिट गर्ने युवकलाई पक्राउ गरेको छ ।

टुडेपाटी लगायतका संचारमाध्यममा समाचार सम्प्रेषण भएपछि जिल्ला प्रहरी कार्यालयका टोलीले कुटपिटका आरोपी स्थानीय २४ बर्षिय कृष्ण यादवलाई नियन्त्रणमा लिएको हो ।

गएराति नै उनलाई पक्राउ गरी जिल्ला प्रहरी कार्यालयको हिरासतमा राखिएको प्रहरी उपरिक्षक टिका केसीले जानकारी दिए ।

घटनाको विषयमा सुक्ष्म रुपमा अनुसन्धान गर्दै दोषीलाई कानुन अनुसारको कारवाही र पिडितलाई न्यायकालागि महोत्तरी प्रहरीले लागि परेको उनले बताए ।

गएको शुक्रवारराति स्थानिय पवनदेवीलाई वोक्सीको आरोप लगाउदै कृष्णा यादवका परिवार मरासन्न हुने गरि कुटपिट गरको थियो ।

तर कृष्णलाई नियन्त्रणमा लिएपछि प्रहरीले राजनितीक दवावका कारण रातारात छाडेका थिए ।

घाइते महिलाको जनकपुरस्थित जानकी हेल्थ केयरमा उपचार भइरहेको उनको परिवारजनले जनाएका छन् ।