सुत्केरी मृत्यु प्रकरण : रामजानकी हस्पिटलबाट २४ घण्टामा पनि उठेन शव
टुडेपाटी-
जनकपुरधाम, साउन २३ गते ।
फरक समुहको रगत चढाउँदा मृत्यु भएकी सुत्केरीको २४ घण्टा पश्चात पनि अस्पतालबाट शव उठ्न सकेको छैन । मृतक परिवारले क्षतिपुर्ति र दोषीलाई कारबाहीको माग गर्दै अडानमै बसेपछि मृतक सुत्केरीको शव उठ्न नसकेको हो ।
जनकपुरको रामजानकी अस्पतालमा ओ पोजेटिभ ग्रुपको साटो बी पोजेटिभ गु्रप रगत चढाउँदा महोत्तरीको गौशाला नगरपालिका ११ भरतपुरकी २३ वर्षीया गंगादेवी महतोको बिहीबार राति ८ बजे मृत्यु भएको थियो । उनले केहिबेर अगाडी सल्यक्रिया मार्फत छोरी जन्माएकी थिइन् । पछि रगत अभाव हुँदा रेडक्रसबाट रगत ल्याएर क्रस चेकगरी ओको साटो बी पोजेटिभ रगत चढाउँदा सुत्केरी गंगादेवीको मृत्यु भएको थियो ।
Sponsored
मृत्यु घटना पश्चात दुई बुँदै माग राख्दै परिवारजनले शव उठाउन नदिने अडानमा छन् । घटना सार्वजनिक हुँदा प्रहरीले अस्पतालका दुईजना चिकित्सकलाई पक्राउ समेत गरेको छ । घटनामा अस्पतालले रेडक्रस र रेडक्रसले अस्पतालमाथि दोष थुपार्दै पन्छिन खोजेका छन् ।
शुक्रबार दिउँसो अस्पताल र मृतकका पक्षबिचको बार्ता विना निष्कर्श सकिएको छ । क्षतिपुर्ति र दोषीलाई कारबाही विनै प्रहरीले लास उठाउन दबाब दिएको परिवारजनले बताएका छन् ।
राति सुत्केरीको मृत्यु भएपछि शुक्रबार बिहान मृतक पक्षले अस्पताललाई गुनासो गर्दा अस्पताल पक्षले आफ्ना बाउण्सर बोलाएर धाकधम्की समेत देखाएको पीडित पक्षको आरोप छ ।
Sponsored
सम्बन्धित समाचार–
