जनकपुरको बाटोमा पैसा फाल्ने महिलाको फोटो सार्वजनिक, खोजिमा सहयोग गर्न प्रहरीको अपिल

टुडेपाटी-
जनकपुरधाम, वैशाख ५ गते ।

जनकपुरको महावीर चौकको सडकमा पैसा फालेर त्रास फैलाउने दुबै महिलाको तस्वीर प्रहरीले सार्वजनिक गरेको छ । शुक्रबार दिउँसो साढे १२ बजे जनकपुरको महावीर चौकमा नकावधारी दुई महिलाले १२।१५ ठाउँमा १० रुपैयाँको नोट फालेर फरार भएपछि त्यस क्षेत्रमा त्रास फैलिएको थियो ।
प्रहरीले सीसीटीभी फुटजेबाट महिलाको तस्वीर पत्ता लागई सार्वजनिक गरेको छ । उक्त तस्बीरमा भएका दुबै महिला कतै देखिए खबर गर्न जिल्ला प्रहरी कार्यालय धनुषाले आग्रह गरेको छ ।
फालिएका नोटहरु बरामद गरी आवश्यक अनुसन्धानको लागि प्रादेशिक अस्पताल जनकपुरमा पठाइएको धनुषाका प्रहरी नायव उपरीक्षक रामेश्वर कार्कीले जानकारी दिए । कोरोना फैलाउन भन्दै पैसा फालिएको एरियालाई सेनिटाज गरिएकाले आतंकित नहुन प्रहरीले आग्रह गरेको छ ।

जनकपुरमा २ महिलाले सडकमा पैसा फ्यालेर भागेपछि स्थानीय त्रसित

Sponsored