निषेधाज्ञा उल्लंघन गरी पसल खोल्ने १६ पसल सञ्चालक पर्साबाट पक्राउ

टुडेपाटी-
पर्सा, जेठ २६ गते ।
पर्सामा जारी रहेको निषेधाज्ञाको उल्लंघन गरी पसल खोल्ने १६ जना व्यापारीलाई प्रहरीले पक्राउ गरेको छ ।

निषेधाज्ञाको समयमा अति आवशयक बाहेकका पसलहरु नखोल्ने निर्देशन विपरीत वीरगञ्ज महानगरपालिकामा पसल खोल्ने १६ व्यापारी पक्राउ परेको हो ।

पक्राउ पर्नेमा निषेधाज्ञाको समयमा स्टेशनरी पसल, सिलाई कटाई पसल, ईलेक्ट्रोनिक, पान भण्डार, हार्डवेयर सप्लायर्स लगायतका पसलहरु खोल्ने व्यक्तिहरु रहेका छन् ।

Sponsored

पक्राउ परेका उनीहरुलाई अब उप्रान्त निषेधाज्ञाको समयमा पसल नखोल्ने शर्तमा सम्झाई बुझाई छाडिएको पर्साका प्रहरी प्रवक्ता एवम् प्रहरी नायब उपरीक्षक ओम प्रकाश खनालले जानकारी दिए ।