मदिरा सेवनबाट ६ जनाको मृत्युपछि सिंगो रमदैया गाउँ नै शोकमा, मदिरा बेच्नेलाई कारबाहीको माग
टुडेपाटी-
जनकपुरधाम, फागुन ३० गते ।
होलीको अवसरमा अत्यधिक घरेलुु मदिरा सेवनले ६ जनाको ज्यान गएपछि गाउँ नै शोकमा डुबेको छ । धनुषाको क्षिरेश्वरनाथ नगरपालिका २ को रमदैया गाउँ शोकमा डुबेको हो ।
स्थानीयहरुले मदिरा उत्पादन तथा बिक्रीवितरण गर्ने र गराउने माथि कडा कारबाहीको माग समेत गरेका छन् ।
Sponsored
होलीमा अत्यधिक मदिरा सेवन गर्दा रमदैयाका ६ जनाको ज्यान गएको छ भने ३ जना सिकिस्त भएका छन् । मृत्यु हुनेमा स्थानीय ४० वर्षीय ब्रमहेव यादव, ३५ वर्षीय विभाद मण्डल, ६० वर्षीय गुदरी महरा, रामनारायण महरा, राजु महरा र विजय सदा छन् ।
