जनकपुर क्षेत्रमा रातिदेखि नै कर्फ्यु जारी

टुडेपाटी-
जनकपुरधाम, साउन २० गते ।

कोरोना संक्रमणको जोखिम बढेपछि जनकपुरधाम उपमहानगरपालिका र क्षिरेश्वरनगरपालिका क्षेत्रमा आजदेखि प्रशासनले कर्फ्यु जारी गरेक छ । जिल्ला प्रशासन कार्यालय धनुषाले सोमबार राति १२ बजेदखि साउन २५ गते आइतबार राति १२ बजेसम्मका लागि निषेधाज्ञा जारी गरेको हो ।

कोरोना संक्रमण न्युनिकरण गर्न पूर्वमा जनकपुरको कपिलेश्वर बस पार्क, उत्तरमा क्षिरेश्वरनाथ नगरपालिकाको जनकपुर ढल्केबर सडक खण्डमा पर्ने औरही खोलाको पुल, पश्चिममा कुर्था जाने बाटो र बसबिट्टी जानेबाटोको दुधमती नदिको पुल, दक्षिमा बनौली मोड, बसहिया रोडको सोनासति मन्दिर, प्रदेशसभा जाने मोड बिच लगायतको क्षेत्र भित्र कर्फ्यु जारी गरेको जिल्ला प्रशासन कार्यालय धनुषाले जनाएको छ ।

धनुषाका प्रमुख जिल्ला अधिकारीले संक्रामक रोग ऐन, २०२० को दफा २ तथा स्थानीय प्रशासन ऐन, २०२८ को दफा ६।३ बमोजिम एकहप्तारको लागि कर्फ्यु जारी गरेका हुन् ।
स्वास्थ्य, औषधि, खानेपानी, दुध, खाद्यान्न वस्तु, विद्युत, दमकल, इन्धन, सरसफाई, भन्सार, बैंक, क्वारेन्टाइन जस्ता अतिआवश्यक सेवा बाहेक सबै बन्द रहने तथा अनुमति प्राप्त सवारीसाधन, स्वास्थ्यकर्मी, सुरक्षा निका

यले प्रयोग गर्ने बाहेक सबै सवारीसाधन चलाउन नपाउने प्रशासनले जनाएको छ ।
कर्फ्यु लगाइएको क्षेत्र भित्र अति आवश्यक काम बाहेक घरबाट नस्किन प्रशासनले आग्रह गर्दै कर्फ्युको अवहेल्ना व्यक्तिलाई संक्रामक रोग ऐन,२०२० बमोजिम कारबाही गर्ने समेत प्रशासनले चेतावनी दिएको छ ।