सप्तरीमा २६ गतेसम्म निषेधाज्ञा जारी

शुभ नारायण यादव-
सप्तरी, साउन १९ गते ।

कोरोना संक्रमितको सङ्ख्या बढ्दै गएपछि मंगलवार बिहानदेखि साउन २६ गते सम्म सप्तरी जिल्लाभर निषेधाज्ञा जारी गरेको छ ।

सप्तरीका प्रमुख जिल्ला अधिकारी शङकरहरि आचार्यले एक विज्ञप्ति जारी गरेर यस्तो घोषणा गरेका हुन् । उनले जारी गरेको विज्ञप्तिमा पछिल्लोपटक सप्तरीमा समुदायस्तरमा कोरोना फैलिएपछि राजविराज नगरपालिका सहित जिल्ला भरिका १८ वटै स्थानीय तहलाई निषेधित क्षेत्रको घोषणाा गरिएको उल्लेख छ ।

कोरोना भाइरसको संक्रमणबाट अहिले सम्ममा जिल्ला भरिमा ५३१ जना पोजेटिभ रहेको तथा एक जनाको मृत्यु समेत भइसकेकाले जिल्लामा दिनहुँ कोरोना पोजेटिभका बिरामिहरु बढ्दै गएकाले पनि अझै अवस्था विग्नि सक्ने अवस्था आउन सकने भएकाले मङगलवारदेखि आउदो साउन २६ गतेसम्मको लागि जिल्ला भरि नै निषेधित गरिएको विज्ञप्तिमा उल्लेख गरिएको छ ।

निषेधित अवधिभरिमा अत्यावश्यक काम औषधि पसल, तरकारी,फलफूल, दुध, एम्बुलेन्स लगायतका सामग्री बाहेक अन्य कामकाज बन्द रहने जनाएको छ । त्यस्तै बिना कामको घरबाट बाहिर ननिस्कन र मास्को नियमित रुपमा प्रयोग गर्नुका साथै भिडभाडमा नजानका लागि सम्पुर्ण जिल्ला बासिहरुमा अनुरोध समेत गरिएको छ ।