धनुषामा १४ सहित प्रदेश २ मा ७१ जनामा कोरोना पुष्टि

टुडेपाटी-
जनकपुरधाम, साउन १५ गते ।

धनुषामा १४ सहित पछिल्लो २४ घण्टामा प्रदेश २ मा ७१ जना कोरोना संक्रमित थपिएका छन् । पर्सामा ५० जना, धनुषामा १४ जना, महोत्तरीमा ४ जना र बारामा ३ जना कोरोना संक्रमित थपिएका छन् ।

जस मध्ये १९ जना महिला छन् भने ५१ जना पुरुष रहेको प्रदेश २ स्वास्थ्य निर्देशनालयका प्रशासक विजय झाले जानकारी दिए ।

यससंगै प्रदेश २ मा हालसम्म कोरोना संक्रमितको संख्या ४ हजार ६१५ पुगेको छ भने यस प्रदेशमा १२ जनाको मृत्यु भइसकेको छ ।

पछिल्लो २४ घण्टामा यस प्रदेशका ३० जना संक्रमित कोरोना जितेर विभिन्न अस्पतालबाट डिस्चार्ज भएको निर्देशनालयले जनाएको छ ।