पहिरोमा बेपत्ता भएका ३४ मध्ये १२ जनाको शव भेटियो
टुडेपाटी-
म्याग्दी, असार २७ गते ।
शुक्रबार पहिरोमा परेर बेपत्ता भएका ३४ जनामध्ये १२ जनाको शव फेला परेको हो । शनिबार बिहानसम्म १२ जनाको शव फेला परेको छ भने २२ जना अझै हराइरहेको म्याग्दीका प्रहरी प्रमुख डिएसपी किरण कुँवरले जानकारी दिए ।
उनका अनुसार मृतकहरुको पहिचान भने खुल्न बाँकी छ । शुक्रबार पहिरोमा परि म्याग्दीको धौलागिरि गाउँपालिका ६ मराङमा २१ जना, मालिका गाउँपालिका ७ बिममा ८ जना र मालिका ६ मा दुखुमा एक जना बेपत्ता भएका थिए ।
मराङमा १० जना र रघुगंगा गाउँपालिकाको ठाडाखानीमा २ जना गरी १२ जनाको शव फेला परेको हो धौलागिरी गाउँपालिका ६ का वडाध्यक्ष राजाराम सुवेदीले जानकारी दिए । बेपत्तामध्ये तीन जनाको शव हिजै फेला परेको थियो भने शनिबार बिहान ९ जनाको शव भेटिएको हो ।
Sponsored