सार्वजनिक यातायात नचलाउने महासंघको घोषणा, यस्तो छ कारण

टुडेपाटी-

जनकपुरधाम, असार २६ गते ।

सार्वजनिक यातायात केन्द्रिय महासंघले गाडी नचालाउने जनाएको छ । शुक्रवार प्रेस विज्ञप्ती जारी गर्दै महासंघले यथास्थितिमा सार्वजनिक सवारीका साधानहरु नचलाउने बताउँदै पाँचबुँदे माग अघि सारेको छ ।

पाँचबुँदे माग पुरा नभए यातायात व्यवसायीको लगानीको वचत पत्र व्यवसायीलाई दिई बाँकी बैंक ऋण जिम्मा लिन र आफ्नो सवारीलाई राष्ट्रियकरण गर्नुपर्ने सार्वजनिक यातायात केन्द्रीय महासंघ नेपालको माग छ ।

सरकारले पूर्व तयारीविना सार्वजनिक यातायात सञ्चालन गर्न भनेर अव्यवहारिक र खतरनाक कदम चालेको महासंघको भनाइ छ । महासंघका अध्यक्ष होमप्रसाद अधिकारीका अनुसार हचुवाका भरमा यातायात सञ्चालन गर्न दिइएको छ । ‘हामी गाडी चलाउँदैनौं, सरकारलाई चाबी बुझाउँछौं,’ उनले भनेका छन् ।
आफूहरुले अघि सारेको पाँचबुँदे माग पूरा भए मात्र गाडी चलाउन सकिने महासचिव भरत नेपालले बताए ।

महासंघको मागमा विश्व स्वास्थ्य संगठनले तोकेको मापदण्ड अनुसार यातायात मजदुर र आम यात्रुहरुको स्वास्थ्यलाई दृष्टिगत गरी सम्पूर्ण व्यवस्था हुनुपर्ने, बैंक किस्ता तथा ब्याजमा पुनर्तालिकीकरण हुनुपर्ने, कागज पत्र, कर राजश्वमा बन्दाबन्दी अवस्थाको कर छुट हुनुपर्ने, बन्दाबन्दीको अवस्थाको बिमा प्रिमियम छुट समयावधि समायोजनलगायत छन् ।

सार्वजनिक यातायात साधनहरुमा विश्व स्वास्थ्य संगठनले मापदण्डअनुसारको व्यवस्था गरिदिनुपर्ने, यातायात मजदुर तथा आम यात्रुहरुको स्वास्थ्यको पूर्ण व्यवस्थासहित हस्पिटालिटीको व्यवस्था हुनुपर्ने, २०७७ आश्विन मसान्तसम्म बैंक किस्ता नलाग्ने व्यवस्था हुनुपर्ने, बन्दबन्दी अवधिको कर छुटका साथै एक वर्षसम्म एक वर्षसम्म जरिवाना नलाग्नेगरी म्याद थप हुनुपर्ने लगायतका माग छन् ।

साथै सरकारले तोके बमोजिम विभिन्न प्रकृतिका ९साना, ठूला, मझौला० सवारी साधनको सिट मापदण्ड बमोजिम यात्रु राखी सञ्चालन गर्न नसकिने महासंघले बताएको छ ।