सिन्धुपाल्चोक पहिरो अपडेट : डेढ वर्षीया छोरी र बुवाको मृत्यु, घाइते र बेपत्ताहरुको नामसहित

टुडेपाटी-

सिन्धुपाल्चोक, असार २५ गते ।

बुधबार राति सिन्धुपाल्चोकको बाह्रबिसे र भोटेकोसीमा पहिरो जाँदा ठूलो जनधनको क्षति भएको छ ।

प्रहरीका अनुसार बाह्रबिसेमा पहिरोमा परेर डेढ वर्षीया छोरी निउना बस्नेत र उनका बुबा २० वर्षीय निकेश बस्नेतको ज्यान गएको हो ।

बाह्रबिसेमा ४ र भोटेकोसीमा २ जना घाइते छन् । घाइतेमध्ये दुईको अवस्था गम्भीररहेको जिल्ला प्रहरी कार्यालय सिन्धुपाल्चोकले जनाएको छ । सिन्धुपाल्चोक माधवकृष्ण बस्नेत, सुवेश तामाङ, सविता बस्नेत तामाङ, मिङमा तामाङ घाइते छन् । भोटेकोसीमा फुर्वा तामाङ र उनकी १० दिनकी छोरी घाइते छन् ।

भोटेकोसी ५ का दोर्जे तामाङ, लाक्पा तामाङ, मन्जु तामाङ, पासाङ नुर्वु तामाङ, चायल तामाङ बेपत्ता छन् । बाह्रबिसे ५ का १६ जना बेपत्ता छन् । प्रहरीका अनुसार बेपत्ता हुनेमा भीम बहादुर वाइवा, चिनमाया वाइवा, लिलामाया वाइबा, पासाङ डोल्मा वाइबा, निमाडोल्मा वाइबा, लक्ष्मण वाइबा, सुनमाला वाइबा र जनकबहादुर थिङ छन् ।

यस्तै सबिना तामाङ, आकास तामाङ, हिमेश शर्मा, आकास केसी, तोकबहादुर तामाङ, युक्त कुमार तामाङ, सुरेश तामाङ, सलिनि तामाङ बेपत्ता रहेको सिन्धुपाल्चोक प्रहरीले जानकारी दिए ।