नेपालमा कोरोना संक्रमितको संख्या साढे १५ हजार पुग्यो

टुडेपाटी-
जनकपुरधाम, असार २० गते ।

नेपालमा पछिल्लो २४ घण्टामा २३२ जना कोरोना संक्रमित थपिएका छन् ।
पछिल्लो २० घण्टामा ४ हजार ५० जनाको पीसीआर परीक्षण गरिएकोमा २३२ जनाको पोजेटिभ रिपोर्ट आएको शनिबार स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताए ।

योसँगै नेपालमा कोरोना संक्रमितको संख्या १५ हजार ४९१ पुगेको छ । यस्तै पछिल्लो २४ घण्टामा थप २७२ जना कोरोना मुक्त भएर डिस्चार्ज भएको उनले जानकारी दिए ।

Sponsored

हालसम्म कोरोनाबाट मृत्यु हुनेको संख्या ३४ पुगेको छ भने उपचार पश्चात ६ हजार ४१५ जना निको भएका छन् ।