थप ४६३ जनामा कोरोना पुष्टि, संक्रमितको संख्या १२७७२ पुग्यो

टुडेपाटी-
जनकपुरधाम, असार १४ गते ।

नेपालमा थप ४ सय ६३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आइतबारसम्म कोरोना संक्रमितको संख्या १२ हजार ७ सय ७२ पुगेको छ ।

आइतबार स्वास्थ्य तथा जनसंख्या मन्त्रालयले नियमित प्रेस बिफ्रिङमा उक्त संख्यामा नयाँ संक्रमित देखिएको जनाएको हो ।

मन्त्रालयका प्रवक्ता जागेश्वर गौतमका अनुसार पछिल्लो २४ घण्टामा १०५ जना महिला र ३५८ जना पुरुष छन् । पछिल्लो २४ घण्टामा देशका विभिन्न अस्पतालबाट  १७९ जना कोरोना संक्रमितका बिरामी  निको भएर डिस्चार्ज भएका छन् ।

मन्त्रालयका प्रवक्ता डाक्टर जागेश्वर गौतमले दिएको जानकारीअनुसार पछिल्लो २४ घण्टामा १६६  जना पुरुष र १३ जना महिला निको भएका हुन् ।