थप ५५४ जनामा कोरोना पुष्टि, संक्रमितको संख्या १२ हजार बढी

टुडेपाटी-

जनकपुरधाम, असार १३ गते ।

नेपालमा शनिबार थप ५ सय ५४ जनामा कोरोना भाइरसको संक्रमण पुष्टि भएको छ । यससँगै संक्रमितको सख्ंया १२ हजार ३०९ पुगेको छ ।

स्वास्थ्य तथा जनसंख्या मनत्रालयको नियमित प्रेस ब्रिफिङमा मन्त्रालयका प्रवक्ता प्रा. डा. जागेश्वर गौतमले थप ५५४ जनामा कोरोना पुष्टि भएको बताएका छन् ।

पछिल्लो २४ घण्टामा थप १३६ जना कोरोना संक्रमित उपचारपछि निको भएर घर फर्केका छन् ।

निको हुनेमा १८ महिला र ११८ पुरुष रहेको प्रवक्ता गौतमले जानकारी दिए । योसँगै नेपालमा उपचारपछि निको भएर घर फर्कनेको संख्या २ हजार ८३४ पुगेको छ । काेराेना भाइरसबाट नेपालमा मृत्यु हुनेकाे संख्या २८ पुगेकाे मन्त्रालयका प्रवक्ता डा. जागेश्वर गाैतमले बताए ।

त्यस्तै देशभरका ७७ वटै जिल्लामा काेराेना संक्रमण पुष्टि भएकाे छ । यसअघि लामाे समयसम्म रसुवा जिल्लामा काेराेना संक्रमण देखिएकाे थिएन ।