प्रदेश २ : टाटासुमो र मोटरसाइकल ठोक्किदा आमा छोराको घटनास्थलमै मृत्यु

टुडेपाटी
सप्तरी, असार ११ गते ।
प्रदेश २ को सप्तरी जिल्लामा सवारी दुर्घटनामा गएराति दुइ जनाको मृत्यु भएको छ ।

पूर्व–पश्चिम राजमार्गअन्तर्गत कल्याणपुरमा भएको दुर्घटनामा सप्तरीको खडक नगरपालिका–५ रंजितपुर निवासी ३० वर्षीय वीरेन्द्र दास र उनकी ५० वर्षीया आमा सुद्धनीदेवीको मृत्यु भएको जिल्ला प्रहरी कार्यालयले जनाएको छ ।

पश्चिमबाट पूर्वतर्फ जाँदै गरेको स १ झ ४८७ नम्बरको टाटासुमो र विपरीत दिशाबाट आउँदै गरेको स १० प ९०५० नम्बरको दास सवार मोटरसाइकल एकापसमा ठक्कर खाएको थियो ।

Sponsored

सो दुर्घटनामा परी मोटरसाइकलमा सवार आमा, छोराको घटनास्थलमै मृत्यु भएको प्रहरीले जनाएको छ । यता घटनाबारे अनुसन्धान भइरहेको इलाका प्रहरी कार्यालय कल्याणपुरले जनाएको छ ।