नेपालमा थप ५३५ जनामा कोरोना पुष्टि, संक्रमित साढे ९ हजार नाघे

टुडेपाटी-
जनकपुरधाम, असार ८ गते ।

नेपालमा थप ५ सय ३५ जनामा कोरोना पुष्टि भएको छ । सोमबार स्वास्थ्य तथा जनसंख्या मन्त्रालयका अनुसार पछिल्लो २४ घण्टामा उक्त संक्रमित थपिएका हुन् । योसँगै कुल संक्रमित संख्या ९ हजार ५ सय ६१ जना पुगेको छ।

मन्त्रालयका प्रवक्ता डा जागेश्वर गौतमले २२ वटा प्रयोगशालामा पछिल्लो २४ घण्टामा पीसीआर ६ हजार १ सय ९८ परीक्षण भएको जानकारी दिए ।

Sponsored

उनले क्वारेन्टिनमा ९० हजार ७ सय ३०, आइसोलेसनमा ७ हजार ७ सय ८९ र डिस्चार्ज हुनेमा ३ सय ७० जनासहित आजसम्म २ हजार १ सय ४२ जना डिस्चार्ज भएको बताए । स्वास्थ्य तथा जनसंख्या मन्त्रालयका अनुसार रसुवा बाहेक सबै जिल्लामा कोरोना संक्रमण देखिएको छ ।