थप ६७१ जनामा कोरोना पुष्टि, संक्रमित ७ हजार ८४८ पुगे

टुडेपाटी-
जनकपुरधाम, असार ४ गते ।
पछिल्लो २४ घण्टामा नेपालमा ६७१ जना कोरोना संक्रमण पुष्टि भएको छ । यो संख्या अहिलेसम्मकै सबैभन्दा धेरै थपिएको हो ।

बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा। डा। जागेश्वर गौतमले देशभर गरिएको परीक्षणमा थप ६७१ जनाको पीसीआर रिपोर्ट पोजेटिभ आएको जानकारी दिए ।

योसँगै नेपालमा संक्रमितको संख्या ७ हजार ८४८ पुगेको छ ।

पछिल्लो २४ घण्टामा थप १९ जना उपचारपछि निको भएर घर फर्केका छन् । योसँगै डिस्चार्ज हुनेको संख्या १ हजार १ सय ८६ जना पुगेको छ । जसमा १ हजार ७२ पुरुष ११४ जना महिला रहेको प्रवक्ता गौतमले बताए ।

त्यस्तै नेपालमा कोरोना संक्रमण देखिएका २० जनाको मृत्यु भइसकेको छ ।