प्रदेश २ मा थप २९ जनामा कोरोना संक्रमण

टुडेपाटी-

जनकपुरधाम, जेठ २९ गते ।

पछिल्लो २४ घण्टामा प्रदेश नम्वर २ मा २९ जनामा कोरोना संक्रमण पुष्टि भएको छ ।

जसअनुसार महोत्तरी जिल्लामा ४ जना, बारा जिल्लामा ७ जना र रौतहट जिल्लामा १८ जनामा कोरोना संक्रमण पुष्टि भएको प्रदेश नम्बर २ को स्वास्थ्य निर्देशनालयका उपनिर्देशक विजय कुमार झाले बिहीबारको नियमित प्रेस ब्रिफिङमा बताए । 

यसैगरी पछिल्लो २४ घण्टामा प्रदेश २ बाट ८२ जना डिस्चार्ज भएका छन् । योसहित यस प्रदेशका ३ सय ८१ जना कोरोना संक्रमितहरु उपचार पश्चात डिस्चार्ज भएका छन् । 
प्रदेश नम्बर २ मा कुल संक्रमितको संख्या भने १ हजार ६ सय २ पुगेको छ ।