थप २७९ जनामा कोरोना पुष्टि, संक्रमितको संख्या ४ हजार ३ सय ७३ पुग्यो

टुडेपाटी-
जनकपुरधाम, जेठ २८ गते ।
बुधबार थप २७९ जनामा कोरोना संक्रमण भएको पुष्टि भएको छ । यो सँगै नेपालमा कोरोना संक्रमितको संख्या ४ हजार ३ सय ७३ पुगेको छ ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्रा. डा. जागेश्वर गौतमले देशभरका प्रयोगशालामा भएको परीक्षणमा २७९ जनाको रिपोर्ट पोजिटिभ आएको जानकारी दिए ।

संक्रमितमध्ये २५७ जना पुरुष र २२ जना महिला रहेको प्रवक्ता गौतमले बताए ।

Sponsored

मन्त्रालयका प्रवक्ता डा. जागेश्वर गौतमका अनुसार कोरोना भाइरस संक्रमण निको हुनेको संख्या ६ सय ७४ पुगेको छ । पछिल्लो २४ घण्टामा ९० जना निको भएका छन् भने हालसम्म १५ जनाको मृत्यु भएको छ ।