प्रदेश २ मा थप १९ जनामा कोरोना संक्रमण

टुडेपाटी-

जनकपुरधाम, जेठ २६ गते ।

प्रदेश २ मा थप १९ जनामा कोरोना संक्रमण पुष्टि भएको छ ।

पर्सा, बारा र रौतहका थप १९ जनामा कोरोना संक्रमण पुष्टि भएको नारायणी अस्पतालका मेडिकल सुपरिटेन्डेन्ट मदन उपाध्यायले जानकारी दिए । 

उनका अनुसार पर्सा जिल्लाका १ महिला र ७ पुरूष  गरी ८ जनामा संक्रमण पुष्टि भएको छ । यस्तै बारा जिल्लाका २ महिला र ५ पुरुषमा कोरोना संक्रमण पुष्टि भएको छ भने  रौतहट जिल्लाका ४ जना परूषमा पनि संक्रमण पुष्टि भएको छ । 
पर्साका संक्रमितमा जगरनाथपुर गाउँपालिका वडा नम्बर ६ का २० देखि ५५ वर्ष उमेरसम्मका रहेका छन् । यसैगरी बाराको सुवर्ण गाउँपालिका र पचरौता नगरपालिकाका गाउँपालिका ३ वर्षीय बालिकादेखि ३० वर्षसम्मका ७ जना संक्रमित रहेको उपाध्यायले बताए । 

यस्तै रौतहटको गढीमाई नगरपालिका वडा नम्बर ३ का १७ , १८ र ४३ वर्षका पुरूषहरू रहेका छन् भन रौतहटकै गढीमाई नगरपालिका वडा नम्बर ३ का एक जना पुरुषमा पनि संक्रमण पुष्टि रहेको उनले बताए । 

संक्रमित सबैको नारायणी अस्पतालको ल्याबमा परीक्षण गरिएको थियो ।