प्रदेश २ मा ४४ जनामा कोरोना पुष्टि, प्रदेशमा कूल संख्या ८५९ पुग्यो
टुडेपाटी-
जनकपुरधाम, जेठ २१ गते ।
प्रदेश २ मा पछिल्लो २४ घण्टामा ४४ जनामा कोरोना संक्रमण पुष्टि भएको छ ।
बुधबार प्रदेश २ का ४४ जनाको पीसीआर रिपोर्ट पोजेटिभ आएको प्रदेश २ स्वास्थ्य निर्देशनालयका एक कर्मचारीले जानकारी दिए ।
प्रदेश २ को समाजिक विकास मन्त्रालयका अनुसार महोत्तरीमा ९, सर्लाहीमा १५, पर्सामा ७, रौतहटमा ११ र धनुषा तथा सप्तरीमा १/१ जनामा कोरोना भाइरस संक्रमण भएको छ ।
यससंगै प्रदेश २ मा कोरोना संक्रमितको संख्या ८ सय ५९ पुगेको छ । अन्य जिल्लाको संख्या सहित विस्तृत विवरण केहि बेरमा सार्वजनिक गर्ने जनाएको छ ।