नेपालमा थप ७५ जनामा संक्रमण पुष्टि, संक्रमितको संख्या १६ सय ४२ पुग्यो

टुडेपाटी
जनकपुरधाम, जेठ १९ गते ।

नेपालमा थप ७५ मा कोरोना संक्रमण पुष्टि भएको छ।

कर्णाली प्रदेशमा ७५ जना संक्रमित थपिएको सामाजिक विकास मन्त्रालयले सोमबार बिहान सूचना जारी गरेको हो ।

योसँगै कर्णाली प्रदेशमा मात्रै संक्रमितको संख्या १ सय ९८ पुगेको छ।

सूचना अनुसार, प्रदेश अस्पताल, सुर्खेतर पशुपन्छी रोग अन्वेषण प्रयोगशाला, सुर्खेतमा गरिएको परीक्षणमा ३२ र कर्णाली स्वास्थ्य विज्ञान प्रतिष्ठान, जुम्लामा गरिएको परीक्षणमा ४३ जनामा संक्रमण पुष्टि भएको हो।
संक्रमितहरु दैलेख, सल्यान, सुर्खेत, जुम्ला जिल्लाका छन् ।

यो सँगै नेपालमा संक्रमितको संख्या १६ सय ४२ पुगेको छ ।