मध्यराति ट्रक र हाइस ठोक्किदा ११ जनाको मृत्यु, २२ घाइते

टुडेपाटी-
बाँके, जेठ १९ गते ।

बाँकेमा आइतबार मध्यराति ट्रक र हाइस ठोक्किँदा ११ जनाको मृत्यु भएको छ भने  २२ जना घाइते भएका छन्। 

पूर्वपश्चिम राजमार्गअन्तर्गत बाँकेको राप्तीसोनारी-२ स्थित ठुरिया जंगलमा राति १२ बजेतिर नेपालगन्जबाट सल्यान जाँदै गरेको ना ५ ख ५९९५ नम्बरको हाइस गाडी रोकिराखेको बा ४ ख ९०६४ नम्बरको ट्रकमा ठोक्किएकाे हाे ।  

दुर्घटनामा ११ जनाको घटनास्थलमै मृत्यु भएको छ भने २२ जना घाइते भएकाे प्रहरीले जनाएकाे छ। 

घाइतेहरुलाई भेरी अस्पताल लगिएकाे छ । शव पनि त्यही अस्पतालकाे गृहमा शव राखिएको छ।

मृतकको सनाखत हुन बाँकी रहेको जिल्ला प्रहरी कार्यालय बाँकेले जनाएको छ ।