दैलेखको क्वारेन्टाइनमा मृत्यु भएको युवकको कोरोना रिपोर्ट पोजेटिभ
टुडेपाटी-
जनकपुरधाम, जेठ १७ गते ।
दैलेखको क्वारेन्टिनमा शनिबार बिहान मृत्यु भएका युवकमा कोरोना भाइरसको रिपोर्ट पोजेटिभ देखिएको छ ।
दैलेखको दुल्लु नगरपालिका–११ का ३५ वर्षे युवकको आज बिहान अकस्मात् मृत्यु भएको थियो । नगर प्रमुख घनश्याम भण्डारीले मृतकको कोरोना रिपोर्ट पोजेटिभ आएको जानकारी दिए ।
उनी ७९ जना साथीहरुसहित १० दिन अघिमात्रै भारतको गुजरातबाट गाउँ फर्किएका थिए । कर्णाली स्वास्थ्य विज्ञान प्रतिष्ठान शिक्षण अस्पताल जुम्लाको प्रयोगशालामा गरिएको पीसीआर परीक्षणमा उनको कोरोना रिपोर्ट पोजेटिभ देखिएको भण्डारीले बताए ।
मृतकको दाहसंस्कारका लागि जिल्ला प्रशासनसँग सहकार्य भइरहेको भण्डारीको भनाइ छ ।
Sponsored