सिरहाका एसपीका सुरक्षागार्डलाई कोरोना संक्रमण पुष्टि

टुडेपाटी-
जनकपुरधाम, जेठ १४ गते ।

सिरहाका प्रहरी उपरीक्षक उमा चतुर्वेदीका सुरक्षा गार्डलाई कोरोना संक्रमण पुष्टि भएको छ । चतुर्वेदीका सुरक्षा गार्डलाई बुधबार कोरोना संक्रमण पुष्टि भएको सिरहाका प्रमुख जिल्ला अधिकारी सरोज प्रसाद गुरागाईले टुडेपाटीलाई जानकारी दिए ।

आठदिन अघि सुरक्षा गार्डले पीसीआर टेस्टको लागि स्वाब लिइएको र बुधबार उनको रिपोर्ट पोजेटिभ आएको मौखिक जानकारी पाएको एसपी चतुर्वेदीले बताए । उनका अनुसार जानकारी पाए लगतै सुरक्षा गार्डलाई आइसोलेट गरिएको छ ।

Sponsored