प्रदेश २ मा फेरि थपिए ७ कोरोना संक्रमित, देशभर संक्रमित संख्या ५१६ पुग्यो

टुडेपाटी-
जनकपुरधाम, जेठ ९ गते ।

प्रदेश २ का ७ जनासहित ९ जनामा शुक्रबार साँझ कोरोना पुष्टि भएको छ । बाराका ६ जना, सप्तरी, मकवानपुर र भक्तपुरका १–१ जना गरी थप ९ जनामा कोरोना पुष्टि भएको छ ।

बाराको सिमरौनगढ नगरपालिका २२, २७, ३०, ३४, ३८ र ४५ वर्षीय पुरुषमा, सप्तरीको बलानबिहुला गाउँपालिकाका ३५ वर्षीय पुरुष, मकवानपुर हेटौडा ३ की ५४ वर्षीया महिला र भक्तपुर ९ की ४२ वर्षीया महिलामा स्वास्थ्य तथा जनसंख्या मन्त्रालयले कोरोना पुष्टि भएको जनाएको छ ।

यससंगै शुक्रबार मात्रै एकैदिन ५९ जनामा कोरोना पुष्टि भएको छ । देशभर कोरोना संक्रमितको संख्या ५ सय १६ पुगेको छ ।