धनुषामा एक महिलाको हत्या

टुडेपाटी-
जनकपुरधाम, माघ १३ गते ।

धनुषामा एक महिलाको हत्या भएको छ । धनुषाको धनुषाधम नगरपालिका वडा नम्बर ५ पर्वताकी २९ वर्षीया संगीता ठाकुरको हत्या भएको हो ।

उनलाई  आफ्नै श्रीमानले राती २ बजे  ३३ वर्षका देवलाल ठाकुरले ढोकामा लगाउने खुटकिलो काठ प्रहार गरि हत्या गरेको धनुषाका प्रहरी प्रवक्ता डिएसपी बरुणबहादुर सिंहले जानकारी दिए ।

उनका अनुसार राति देवलालले टाउको र घाँटीमा प्रहार गरेका थिए ।

घरायसी विवादमा राती २ बजे हत्या गरेका हुन् । उनको शव पोस्टमार्टमका लागि प्रादेशिक अस्पताल जनकपुरमा राखिएको छ ।

श्रीमान देवलाललाई पक्राउ गरेर अनुसन्धान गरिरहेको धनुषाधाम प्रहरीले जनाएको छ ।