जनकपुरमा दुईवटा मोटरसाईक ठोक्किएर एकजनाको मृत्यु

टुडेपाटी-
जनकपुरधाम, माघ ११ गते ।

जनकपुरमा दुईवटा मोटरसाइकल ठोक्किएर एकजनाको मृत्यु भएको छ ।  मधेस भवन अगाडि भएको  मोटरसाइकल दुर्घटनामा धनुषाको लक्ष्मीनिया गाउँपालिका-१ सोहनीका ५० वर्षीय देवेन्द्र यादवको मृत्यु भएको हो ।

उनी मधेश सरकारकोभौतिक पूर्वाधार मन्त्रालयका सवारी चालक थिए ।

  धनुषाका  प्रहरी प्रहरी प्रवक्ता बरुणबहादुर सिंहका अनुसार आज बिहान ज १ ब ७५५ नम्बरको मोटरसाइकलमा सवार भएर मन्त्रालय गइरहेका यादवलाई मधेस प्रदेश २- ०२-००४ प ८१९६ नम्बरको मोटरसाइकलले ठक्कर दिएको थियो।

ठक्करबाट गम्भीरया घाइते भएका यादवलाई उपचारको लागि अस्पताल लैजाने क्रममा मृत्यु भएको प्रहरी जनाएको छ ।