जलेश्वर उद्योग वाणिज्य संघको अध्यक्षमा शिवचन्द्र चौधरी विजयी
रञ्जन भण्डारी-
महोत्तरी, पुस ७ गते ।
जलेश्वर उद्योग वाणिज्य संघको शनिवार सम्पन्न मतदानमा शिवचन्द्र चौधरी प्यानल विजयी भएको छ । ८६५ सदस्य रहेको संघमा शनिवार ७९९ मतदाताले मतदान गरेकोमा सोहि राती देखि मतगणना सुरु भएकोमा आईतवार साझ आएको अन्तिम नतिजा अनुसार चौधरी ४१९ मत प्राप्त गरि विजयी भएका हुन । उनका निकटतम प्रतिद्वन्दी संतोष कुमार साहले ३५८ मत प्राप्त गरेका छन । चौधरी प्रतिद्वन्दी भन्दा ६१ मत बढी ल्याई विजयी भएका हुन् ।
यता प्रथम उपाध्यक्षमा राम एकवाल साहले ४५६ मत ल्याई चौधरीकै प्यानलबाट जित हात पारेका छन । उनका निकटतम प्रतिद्वन्दी अजित कुमार चौधरीले २९८ मत प्राप्त गरेका हुन । त्यसतै महासचिवमा राजकुमार पुर्वे(राजु)ले ३२१ मत प्राप्त गरि नयाँ कार्यकाल चलाउने अवसर पाएका छन । महासचिव पदमै स्वतन्त्र उम्मेदवार राकेश कुमार साहले २३२ मत प्राप्त गरेका हुन भने अर्का प्रतिद्वन्दी छेदी चौधरीले १८५ मत प्राप्त गरेका छन । यता कोषाध्यक्षमा भने संतोष साह प्यानलका नारायण कुमार गुप्ता विजय भएका छन । उनले ४११ मत प्राप्त गरेका छन । उनकै निकटतम प्रतिद्वन्दी शिवचन्द्र चौधरी प्यानलका रंजित कुमार चौधरीले ३३३ मत प्राप्त गरेका छन । यता सचिवमा चन्दन कुमार साह(गोनु महाजन)ले ३८५ मत ल्याई विजयी हुने मौका पाएका छन । उनका निकटतम प्रतिद्वन्दी चन्दन कुमार साह(शिवजी लज) ले ३५७ मत पाए ।
Sponsored
त्यसतै सदस्यहरुमा संजय कुमार गुप्ता(संजु) ४२३ मत,अनिल कुमार साह सोनार ३९६ मत,रमन कुमार चौधरी ४५७ मत,मुकेश कुमार साह ३७६ मत,मनिभुषण ठाकुर ३७५ मत,ओम प्रकास साह ३१८ मत,रोशन महासेठ ३९६ मत,रुपेश कुमार साह ३३९ मत र सरोज कुमार साह ३२८ मत ल्याई विजयी भएका छन भने महिला सदस्यमा कमला देवी कोईराला ३३३ मत ल्याई विजयी भएकि हुन् ।
