जेठ मसान्तसम्म आन्तरिक तथा बाह्य हवाई उडान बन्द

टुडेपाटी-

जनकपुरधाम, जेठ ७ गते ।

सरकारले घरेलु र अन्तर्राष्ट्रिय उडानमा लगाइएको रोक जेठ मसान्तसम्म लम्ब्याउने निर्णय गरेको छ । यसअघि जेठ १८ गतेसम्म बन्द रहेको घरेलु तथा अन्तर्राष्ट्रिय हवाई उडान जेठ मसान्तसम्म बन्द गर्ने निर्णय गरेको हो ।

बुधबार बसेको कोभिड–१९ रोकथाम तथा नियन्त्रण उच्चस्तरीय समितिको बैठले यस्तो निर्णय गरेको हो ।

गत ४ गते बसेको मन्त्रिपरिषद् बैठकले लकडाउनलाई २० गतेसम्म लब्याउने निर्णय गरे पनि उडानबारे कुनै निर्णय लिएको थिएन ।

मंगलबार बसेको समितिको बैठकले पनि विदेशमा समस्यामा परेका नागरिकहरुको उद्दारबारे छलफलका लागि बोलाइएको थियो ।