बंगलादेशकी प्रधानमन्त्री शेख हसिन देश छाडेर भागिन् भारत

एजेन्सी-
जनकपुरधाम, साउन २१ गते ।

राजधानी ढाकामा जारी तनावबीच बंगलादेशकी प्रधानमन्त्री शेख हसिन देश छाडेर भागेकी छन् । देश छाड्नु अघि उनले राजीनामा दिएकी छन् ।

अन्तर्राष्ट्रिय समाचार संस्था बीबीसीका अनुसार उनी हेलिकप्टर चढेर देश छाड्दै भारतको त्रिपुरा राज्यको अगरतलातिर पुगेकी हुन् ।

प्रदर्शनका क्रममा हजारौं नागरिक प्रधानमन्त्रीको निवासतर्फ गएपछि उनी ‘सुरक्षित स्थान’तर्फ सरेकी थिइन् ।

आरक्षण र कोटा प्रणालीको विरोधमा विद्यार्थीले गरेको आन्दोलन हिंसात्मक बन्दा ज्यान गुमाउनेको संख्या कम्तीमा ३ सय पुगिसकेको छ । प्रहरी र प्रदर्शनकारी बीच झडप हुँदा आइतबार मात्रै कम्तीमा ९० जना मारिएको र सयौं घाइते भएको बीबीसीले लेखेको छ ।