नेपालमा पहिलोपटक डाक्टरमा कोरोना पुष्टि

टुडेपाटी-

काठमाडौं, जेठ ६ गते ।

नेपालमा पहिलोपटक डाक्टरमा कोरोना भाइरसको संक्रमण पुष्टि भएको छ । मंगलबार नेपालमा पहिलोपटक मन्त्रालयअन्तर्गतका डाक्टरमा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।

मंगलबार उपत्यकामा देखिएका ५ संक्रमितमध्ये एक जना स्वास्थ्य सेवा विभागमा कार्यरत करारका चिकित्सक भएको बताइएको छ । ललितपुरका भनिएको संक्रमित स्वास्थ्य सेवा विभागका चिकित्सक रहेको पाइएको हो ।

यसअघि नेपालमा नर्समा कोरोना भाइरसको संक्रमण देखिएपनि डाक्टरमा भने देखिएको थिएन । मंगलबार उपत्यकामा काठमाडौं, भक्तपुर र ललितपुरमा गरी ५ जना कोरोना पोजिटिभ देखिएको थियो ।