भारतबाट फर्किएका कपिलवस्तुका ४ जना कोरोना संक्रमित थपिए, कूल संख्या ३७९ पुग्यो

टुडेपाटी-

कपिलवस्तु, जेठ ६ गते ।

कपिलवस्तुमा मंगलबार ४ जना कोरोनाभाइरसका संक्रमित थपिएका छन् ।

मायादेवी गाउँपालिकाका उनीहरू भारतबाट आएको प्रमुख जिल्ला अधिकारी दीर्घनारायण पौडेलले जानकारी दिए ।

उनका अनुसार भारतबाट आएपछि उनीहरूलाई गाउँपलिकाको छत्रपाली क्वारेन्टिनमा राखिएको थियो । संक्रमित चारै जना पुरुष रहेका छन् ।

उनीहरूलाई बुटवल वा दाङको अस्पतालमा लैजाने तयारी गरिएको छ ।

योसँगै नेपालमा कोरोना संक्रमितको संख्या ३ सय ७९ पुगेको छ । सोमबार मात्र एकैदिन ८० जनामा संक्रमण देखिएको थियो ।

नेपालमा अहिलेसम्म कोरोनाबाट दुई जनाको मृत्यु भएको छ ।