धनुषाका थप २ व्यक्तिसहित एकैदिन ८० जना कोरोनाबाट संक्रमण, संक्रमितको संख्या ३७५ पुग्यो

टुडेपाटी-

जनकपुरधाम, जेठ ५ गते ।

धनुषामा थप २ जना कोरोना भाइरस संक्रमितसहित एकैपटक १८ जना संक्रमित थपिएका छन् । सोमबार मात्रै ८० जना कोरोना संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार सोमबार बाँकेका १२, धनुषाका २, खोटाङ, सुनसरी, झापा र दैलेखका १/१ जनामा काेराेना भाइरस संक्रमण पुष्टि भएकाे छ ।

त्यसैगरी दैलेखमा भेटिएका संक्रमितसँगै कर्णाली प्रदेशमा संक्रमणको पहिलो ‘केस’ देखिएको छ । यसैगरी सुनसरी र खाेटाङमा पनि पहिलाेपटक संक्रमण देखिएकाे हो ।

योसँगै नेपालमा कोरोना संक्रमितको सङ्ख्या ३ सय७५ पुगेको छ । जसमध्ये २ जनाको मृत्यु भएको छ भने ३६ जना निको भएका छन् ।