घरबाट भागेर भारत जान लागेका चार किशोर-किशोरीको उद्धार

टुडेपाटी-
जनकपुरधाम, जेठ ६ गते ।

धनुषाबाट चारजना किशोर किशोरीको उद्धार गरिएको छ । घरबाट भागेर भारत जान लागेका सिराहाको कर्जन्हा नगरपालिका ६ ठहराका दुई किशोर र दुई किशोरीलाई जनकपुर उपमहानगरपालिका–१ स्थित सीमा ईलाकाबाट उद्धार गरिएको हो ।

उनीहरु जयनगरतर्फ जाने योजनाकासाथ यात्रुवाहक बसमा चढेर आएका थिए । शंकास्पद अवस्थामा रेल्वे सुरक्षा वेश जनकपुरधाम र माईती नेपालको टोलीले उनीहरुलाई जेठ ४ गते उद्धार गरेको हो । प्रहरीले उनीहरुलाई अभिभावकको जिम्ममा लगाएको छ ।

Sponsored