५ महिने छोराको हत्या गरी फरार महिला बीरगञ्जबाट पक्राउ

टुडेपाटी–

जनकपुरधाम, जेठ ३ गते ।

३ जेठ, पर्सा ।  छोराको हत्या गरी फरार रहेकी एक महिला वीरगन्जबाट पक्राउ परेकी छन् । पक्राउ पर्नेमा पर्साको वीरगञ्ज महानगरपालिका-१७ बस्‍ने २२ वर्षीया आरती कुमारी रहेको प्रहरीले जनाएको छ ।

उनलाई बिशेष सूचनाको आधारमा जेठ १ गते पक्राउ गरेको जिल्ला प्रहरी कार्यालय पर्साले जनाएको छ ।

प्रहरीका अनुसार उनी २०८० साउन २७ गते विहान घरमा कोही नभएको बेला ५ महिनाको छोराको घाँटी थिचेर हत्या गरी फरार भएकी थिइन् । भारतको पूर्वी चम्पारण थाना रक्सौल, पोष्ट सिहपुर हरैया, ग्राम एकडर्वा टोलमा बस्दै आएकी उनलाई प्रहरीले पक्राउ गरेको हो ।

उनीमाथि कर्तव्य ज्यान सम्बन्धी मद्दामा थप अनुसन्धान भइरहेको जिल्ला प्रहरी कार्यालय पर्साले जनाएको छ ।