जन्ती बसेपछि जनकपुरधाम को २५ नम्बर वडा कार्यालय आज बन्द

 टुडेपाटी-
जनकपुरधाम, फागुन २९ गते ।

जन्ती बास बसेपछि जनकपुरधाम उपमहानगरपालिका वडा नं. २५  कार्यालय आज बन्द छ । स्थानीय एकजनाको विहेमा आएको जन्ती सोमबार राति वडा कार्यालयकै  भवनमा बास राखिएको हो । त्यसकारण आज वडा कार्यालय बन्द छ ।

कार्यालय सहयोगीको घरमा विवाह रहेकाले बिदा, वडासचिव मदन महतो बिरामी बिदा भएकाले आज वडा कार्यालय बन्द रहेको वडा नं. २५  का वडाध्यक्ष चन्देश्वर साहले साहले स्वीकारे ।

Sponsored

उनले वडा कार्यालयको सभाहलमा जन्ती राखिएकोले वडाको काममा अवरोध नभएपनि सचिव र कार्यालय सहयोगी बिदामा हुँदा कार्यालय बन्द रहेको वडाध्यक्ष साहको भनाइ छ ।
‘उहाँहरु आउनु भएन । म पनि गइन । त्यस कारण वडा कार्यालय बन्द छ । जन्ती हलमा भएकोले कुनै समस्या परेको छैन ‘, वडाध्यक्ष साहले भने ।
 
स्थानीयले वडा कार्यालय बन्द राखेपछि सेवाग्राही सेवाबाट बञ्चित भएका छन् ।  वडा कार्यायल जन्ती राख्नको लागि बन्द गरेपछि आफू काम नगराई रितै फर्केएक सेवाग्राहीले गुनासो गरे ।
वडाध्यक्ष साहले सेवाग्राहीको काम निन्तर हुने गरेकाले कुनै समस्या नभएको जिकिर गरे । यधपी वडा कार्यालयले बिदा रहेको सूचना भने जारी गरेको छैन ।