जनकपुरको एक होटलमा बेहोस फेला परेकी पोखराकी युवतीको मृत्यु, संगै बसेका दुई युवक फरार

टुडेपाटी-
जनकपुरधाम, फागुन २९ गते ।

जनकपुरधामको सिटी स्टार फैमली होटेलमा बेहोस भेटिएकी पोखराकी एक युवतीको मृत्यु भएको छ ।

रामानन्दचोक स्थित सिटी स्टार फैमली होटलको एक कोठामा आज बिहान साढे ८ बजेतिर पोखराकी अन्दाजी २७ वर्षीया खुसखु सुनार बेहोस भेटिएकी थिइन् ।

उनलाई उपचारको लागि प्रादेशिक अस्पतालमा लगिएकोमा मृत्यु भएको धनुषाका प्रहरी प्रवक्ता डिएसपी रञ्जन अवाले जानकारी दिए ।

युवतीसंगै होटेलमा बसेका दुई युवक फरार भएका छन् ।
मृतक युवतीको शव पोस्टमार्टमको लागि प्रादेशिक अस्पताल जनकपुरमा राखिएको छ ।

फरार दुई युवकको खोजीसंगै घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।