सिरहामा एक महिलाको हत्या, दुई जना पक्राउ

टुडेपाटी-
जनकपुरधाम, फागुन २६ गते ।

सिराहाको गोलबजारमा एक महिलाको हत्या भएको छ । गोलबजार नगरपालिका ६ की ३५ वर्षीया अनिता कुमारी साहको गएराति हत्या भएको हो ।
मृतकका पति महेन्द्र कुमार साह पनि घाइते अवस्थामा फेला परेको प्रहरीले जनाएको छ । उनको स्थानीय स्तरमा उपचार भइरहेको जिल्ला प्रहरी कार्यालयका सूचना अधिकारी उदयभार द्वीवेदीले जानकारी दिए ।

स्थानीय सिकिन्द्र साहको घर भाडामा लिएर पछिल्लो एक वर्षदेखि होटल सञ्चालन गर्दै आएका थिए । राति २ बजे राति अनिता घरभित्रै मृत फेला परेको सिरहाका एसपी सन्तोष आचार्यले बताए । उनका अनुसार सिलौटाको मसाला पिँध्ने लोढी (ढुंगा)ले मुखमा हिर्काएको जस्तो देखिएको छ ।

Sponsored

संकास्पद दुईजनालाई नियन्त्रणमा लिएर घटनाबारे अनुसन्धान गरिरहेको एसपी आचार्यले जानकारी दिए ।