सर्लाहीबाट अपहरणमा परेका चार वर्षीय बालकको सकुशल उद्धार, आरोपी पक्राउ

टुडेपाटी–

जनकपुरधाम, फागुन २४ गते ।

सर्लाहीबाट अपहरणमा परेका चार वर्षीय बालकको सकुशल उद्धार गरिएको छ ।

बुधबार अपहरणमा परेका पर्सा गाउँपालिका वडा नम्बर–२ सङ्ग्रामपुरका ४ वर्षीय अंकितकुमार रामलाई अपहरणमुक्त गरिएको हो ।

अपहरण गरेको आरोपमा प्रहरीले भारतको सितामढीका २७ वर्षीय अताबुल अन्सारीलाई पक्राउ गरेको छ । उनीमाथि अपहरण तथा शरीर बन्धक कसुरमा म्याद थप गरी अनुसन्धान गरिरहेको जिल्ला प्रहरी कार्यालय सर्लाहीले जनाएको छ ।

कुरकुरे किन्न गएका बेला बालक अपहरणमा परेका थिए ।