टिपरले टाटा सुमोलाई ठक्कर दिँदा तीनजनाको मृत्यु, तीन घाइते

टुडेपाटी-
जनकपुरधाम, फागुन १८ गते ।

मोरङको बेलबारीमा टिपरको ठक्करबाट टाटा सुमोमा सवार तीनजनाको मृत्यु भएको छ । तीनजना घाइते छन् ।

मृत्यु हुनेहरूमा सुमो चालक झापा बिर्तामोड २ का ३६ वर्षीय कृष्ण गजुरेल, झापा कमल गाउँपालिका–२ का ५२ वर्षीय यदुकान्त भट्टराई र सोही ठाउँ बस्ने वर्ष ४४ की दिपा खनाल रहेकी छिन् । चालकको घटनास्थलमै मृत्यु भएको छ भने भट्टराई र खनालको घटनास्थलमै मृत्यु भएको प्रहरीले जनाएको छ ।

आज बिहान साढे ६ बजे मोरङको बेलबारी नगरपालिका–३ स्थित पुरानो मालपोत जाने बाटोमा पश्चिमबाट पूर्वतर्फ जाँदै गरेको प्रदेश १–०२–००१ ख ९६७६ नम्बरको ट्रिपरले पश्चिमतर्फ आउँदै गरेको मे १ झ २८५६ नम्बरको सुमोलाई ठक्कर दिएको थियो । त्यस क्रममा सोमु उछिट्टिएर बागमती प्रदेश ०३–००१ ख २७१८ नम्बरको यात्रुबहाक बसमा पनि सुमो ठोकिएको थियो ।

घाइतेहरुको बिराटनगरको विभिन्न अस्पतालमा उपचार भइरहेको प्रहरीले जनाएको छ ।