धनुषामा कार्यरत दुई प्रहरी नै अपराधिक कार्यमा संलग्न रहेको खुलासा, पक्राउ गरी चलाइयो मुद्दा

टुडेपाटी-
जनकपुरधाम, फागुन १३ गते ।

धनुषामा कार्यरत दुई प्रहरी नै अपराधिक कार्यमा संलग्न रहेको खुलेको छ । जिल्ला प्रहरी कार्यालय धनुषामा कार्यरत्त प्रहरी सहायक हवल्दार दिपेन्द्र कुमार राज र प्रहरी जवान रोशन कुमार यादवले आपराधिक लाभ लिन खोजेपछि पक्राउ गरी मुद्द चलाइएको हो ।

आर्थिक लाभको लागि पीडितबाट बिभिन्न कम्पनीको ३१ वटा मोबाइल लिई फिर्ता गर्न भनी २ लाख लिएर फिर्ता नगरेको पाइएपछि मधेश प्रदेश प्रहरी कार्यालयले खोजविबन गरी मोबाइल र ९५ हजार रकम बरामद गरेको हो । जनकपुररधाम उपमहानगरपालिका ७ स्थित पापमोचनी पोखरीको उत्तर चर्फ झाडीमा झोलामा लुकाई राखेको अवस्थामा ३१ वटा मोबाइल र ९५ हजार नगद बरामद भएको प्रदेश प्रहरी कार्यालय जनकपुरले जनाएको छ ।

Sponsored

बरामद समानसहित दुबै जना प्रहरीलाई पक्राउ जिल्ला प्रहरी कार्यालय धनुषामा अपराधिक विश्वाशघात र अपराधिक लाभ शीर्षकमा मुद्दा दर्ता गरिएको छ । प्रदेश प्रहरी कार्यालयका प्रवक्ता एसपी श्यामकुमार महतोका अनुसार आइतबार जिल्ला अदालत धनुषामा दुबैजनामाथि ७ दिनको म्याद थप गरी थप अनुसन्धान भइरहेको छ ।