डिउटीमा रहेकी महिला प्रहरीको गोली हानेर हत्या

टुडेपाटी-
जनकपुरधाम, फागुन ३ गते ।

दाङमा एक महिला प्रहरीको गोली हानेर हत्या भएको छ । दाङको घोराही दामोदर चोकमा ड्युटीमा खटिएकी महिला प्रहरी धनमाया गुरुङको गोली हानेर हत्या भएको हो ।

उनलाई उपचारका लागि राप्ती स्वास्थ्य विज्ञान प्रतिष्ठानमा लगिएकोमा चिकित्सकले मृत घोषणा गरेको प्रमुख जिल्ला अधिकारी रामबन्धु सुवेदीले जानकारी दिए ।

धनमाया माथि उनकै श्रीमान सहायक हवल्दार यमबहादुर झाँक्रीले गोली हानेको लुम्बिनी प्रदेश प्रहरी कार्यालयका प्रमुख कुबेर कडायतले जानकारी दिए । तालिम केन्द्र नेपालगञ्जमा कार्यरत यमबहादुर विहीबार घोराही आएका थिए । उनले धनमायामाथि तीन राउण्ड गोली प्रहार गरेको बताइएको छ ।

घटनाबारे थप विवरण खुल्न बाँकी भएको र अनुसन्धान जारी रहेको लुम्बिनी प्रदेश प्रहरी कार्यालयले जनाएको छ ।