पाल्पामा जिप दुर्घटना हुँदा पाँच महिलासहित ८ जनाको मृत्यु, १५ जना घाइते

टुडेपाटी-
जनकपुरधाम, फागुन १ गते ।

पाल्पामा जिप दुर्घटना हुँदा ८ जनाको मृत्यु भएको छ । मृत्यु हुने पाँच महिला र तीन पुरुष छन् । दुर्घटनामा१५ जना भने घाइते भएका छन् । मृतकहरु मध्ये तीनजनाको मात्र सनाखत भएको छ ।

मृत्यु हुनेमा तिनाउ गाउँपालिका ६ कोलाङका ६२ वर्षीय कृष्णबहादुर अस्लामी, अन्दाजी ३३ वर्षका राम बहादुर अस्लामी र उर्मिला अस्लामी रहेका छन् ।

जिल्ला प्रहरी कार्यालय पाल्पाका डिएसपी सुगन्ध श्रेष्ठलेका अनुसार मंगलबार साँझ पौने ५ बजे सिद्धार्थ राजमार्गको डुम्रेबाट चिदिस जाँदै गरेको लु १ज २३७१ नम्बरको जिप डुम्रे र चिदिसको बिच भागमा दुर्घटना भएको हो ।

घाइतेहरूलाई लुम्बिनी मेडिकल कलेज प्रभास ल्याउँदै गरिएको छ । दुर्घटना विषयमा थप अनुसन्धान भइरहेको जिल्ला प्रहरी कार्यालय पाल्पाले जनाएको छ ।