जनकपुरमा चोरी निकासीका चारवटा गाडीसहित दुईजना पक्राउ

टुडेपाटी-
जनकपुरधाम, पुस २९ गते ।

जनकपुरमा गाडी चोरी निकासीमा संलग्न एक गिरोहलाई प्रहरीले पक्राउ गरेको छ । चोरी निकासीको चारवटा गाडीसहित धनुषा प्रहरीले दुईजनालार्य सार्वजनिक गरेको हो ।

भन्सार छलेर ल्याएको चार वटा गाडीसहित चोरी निकासीमा संलग्न महोत्तरीको जलेश्वरका मोख्तार अन्सारी र लोहरपट्टीका जमजम भनिने अन्सारुल कवारीलाई आइतबार जिल्ला प्रहरी कार्यालय धनुषाले सार्वजनिक गररेको हो ।

चोरी निकासी कार्यमा संलग्न अर्का एक जनाको भने खोजी भइरहेको प्रहरी उपरीक्षक मित्रवन्धु शर्माले बताए । मोख्तारले भारतबाट गाडी चोरी निकासी गर्ने गरेको र अर्का जमजम भनिने कवारीले नेपालमा सो गाडी बेच्ने गरेको प्रारम्भिक अनुसन्धानमा खुल्न आएको एसपी शर्माले बताए ।

पक्राउ परेका अभियुक्तलाई आवश्यक कानुनी कारबाही सुरु गरिएको जिल्ला प्रहरी कार्यालय धनुषाले जनाएको छ ।