बरहथवामा घटनामा ११ बुँदे सहमति, उठाइँदै युवकको लास

टुडेपाटी-
जनकपुरधाम, पुस २२ गते ।

सर्लाहीको बरहथवा घटना विषयमा ११ बुँदे सहमति भएको छ । मृतक परिवार तथा आन्दोलनरत्त पक्ष र प्रशासनबीच आइतबार साँझ ११ बुँदे सहमति भएको हो ।

दोषी प्रहरीमाथि छानविन गरी कारबाही गर्ने, सहिद घोषणा गर्ने, मृतकको नामबाट प्रादेशिक अस्पतालको नामाकरण गर्ने, छानविनमा सघाउने, शव उठाउने लागयतको ११ बुँदे सहमति भएको सर्लाहीका प्रमुख जिल्ला अधिकारी कोमल प्रसाद धमलाले जानकारी दिए । सहमतिसंगै आन्दोलनरत्त पक्षले आन्दोलनको कार्यक्रम फिर्ता लिएको छ । प्रहरीले मृतक युवक जयशंकर साहको शव पनि प्रक्रिया पुर्याएर उठाउन लागेको छ ।

Sponsored

बरहथवा ६ को प्राथमिक स्वास्थ्य केन्द्रको स्तरोन्नति विषयमा भएको प्रदर्शनमा प्रहरीको गोली लागेर स्थानीय युवा व्यवसायी २७ वर्षीय जयशंकर साहको मृत्यु भएको थियो ।
विद्युत महसुल बुझाउन पुगेका सहामाथि प्रहरीले गोली चलाएपछि उनको घटनास्थलमै मृत्यु भएको थियो । उनी स्थानीय सर्लाही होटेलका संचालक तथा कुखुरा दानका हलसेल बिक्रेता थिए ।